விரைந்து செல்லும் வாழ்க்கை

வேதபகுதி: ஏசாயா 40:26-31

 

அண்ணாநகரில் இருந்த என் வீட்டிலிருந்து வேகமாக காரை ஓட்டி, வெறும் பதினாறு நிமிடங்களில் கிண்டியிலிருந்த என் அலுவலகத்தை அடைந்த ஒருகாலத்தை நான் நினைத்து பார்க்கிறேன்.  நீங்கள் அப்படி வாகனம் ஓட்டுவீர்களானால் சுற்றிப் பார்க்கவும், உங்கள் வழியில் கடந்து செல்லும் அன்றாடகாட்சிகளைப் பார்க்கவும், உங்களுக்கு நேரம் இல்லை.  நான் யோசித்துப் பார்த்தபோது, அதிவேகமாக வாகனம் ஓட்டுவது எனக்கு மட்டுமல்ல, சாலையில்உள்ள மற்றவர்களுக்கும் ஆபத்தானது என்பதை உணர்ந்தேன்.  அது மட்டுமல்லாமல் என்னுடைய பயணத்தை ரசிக்க எனக்கு நேரமில்லை என்பதையும்உணர்ந்தேன்.  அன்று முதல், நான் அதிவேகமாக வாகனம் ஓட்டுவதை முற்றிலுமாக நிறுத்திவிட்டேன்.

 

இன்றைய வாழ்க்கை மிக துரிதமான வேகத்தில் செல்கிறது.  மக்கள் ஒரு பணியிலிருந்து இன்னொரு பணிக்கு விரைந்து செல்கிறார்கள், எப்போதும்அதிகமாகச் சாதிக்கவும் அதிகமாகச் சம்பாதிக்கவும் ஆர்வமாக உள்ளனர்.  தொழிலை கட்டியெழுப்பவும், அங்கீகாரத்தைப் பெறவும், செல்வத்தைக் குவிக்கவும், பெரிய விஷயங்களைச் சாதிக்கவும் அவசரப்படுகிறார்கள்.   ஆனால் வாழ்க்கையில் அவசரம் என்பது வீணானது.  வாழ்க்கை என்பது ஒரு பயணம், இலக்கைஅடைவதைப் போலவே பயணத்தையும் அனுபவிக்க வேண்டும்.  நாம் நம்முடைய வாழ்க்கையை கடந்து செல்லும்போது, நம் குடும்பங்களின், மகிழ்ச்சிக்காகவும் கடவுளின் பிரசன்னத்திற்காகவும், இறைவனுடன் நடந்து செல்லும் அனுபவங்களுக்காகவும், நன்றியுள்ள இதயத்துடன் கடவுளுக்கு நன்றிசெலுத்த வேண்டும்.

 

நம் ஒவ்வொருவரின் வாழ்க்கையிலும் கடவுள் ஒரு நோக்கத்தைக் கொண்டிருக்கிறார் என்பதை வேதம் நமக்கு நினைவூட்டுகிறது.  அவருக்கு ஒரு நோக்கம்இருப்பது மட்டுமல்லாமல், அதை நிறைவேற்றுவதற்கான திட்டமும், சக்தியும் அவரிடம் உள்ளது.  ஆனால் கடவுளின் நோக்கத்தைக் கண்டறிய, நாம்வாழ்க்கையின் ஓட்டத்தைக் குறைத்து அவருடன் நேரத்தை செலவிட கற்றுக்கொள்ள வேண்டும்.  வாழ்க்கையின் நோக்கத்தை அவசரப்பட்டு  கண்டுபிடிக்கமுடியாது; அது ஜெபம், வேத தியானம் மற்றும் அவர் சமூகத்தில் காத்திருப்பது மூலமே அறியமுடியும்.   அதனால்தான் நீங்கள் அமர்ந்திருந்து, நான்தேவன் என்பதை அறிந்து கொள்ளுங்கள் என்று வேதம் சொல்லுகிறது. (சங் 46:10)

 

மரியாள் இந்த உண்மையை புரிந்து கொண்டார்.   மார்த்தாள் வேலைகளை செய்து கொண்டிருந்தபோது, மரியாள் இயேசுவின் பாதத்தில் உட்கார்ந்துஇயேசுவின் பேச்சைக் கேட்டாள்.  எனவே, நாம் வாழ்க்கையில் அவசரப்பட்டு ஆழமான ஆசீர்வாதங்களை இழக்கக்கூடாது.  உங்கள் குழந்தைகள் மற்றும்பேரக்குழந்தைகளுடன் நேரத்தை செலவிடுங்கள். கடவுளுக்குச் செவிகொடுத்த பிறகு, அன்புடன் செயல்படுங்கள்.   ஏசாயா 40:31 "கர்த்தருக்குக்காத்திருக்கிறவர்களே தங்கள் பெலனைப் புதுப்பித்து, கழுகுகளைப்போலச் செட்டைகளை உயர்த்தி, சோர்ந்துபோகாமல் ஓடுவார்கள், சோர்ந்துபோகாமல்நடப்பார்கள்".

 

என் நண்பரே!  இந்த பூமியில் எவ்வளவு காலம் இருக்கிறோம் என்று நமக்குத் தெரியாது.  உங்கள் ஓட்டத்தின் வேகத்தைக் குறையுங்கள்.  உங்களைச்சுற்றியுள்ளவர்களிடம் அன்பைக் காட்டுங்கள். முதியவர்களைப் சந்தியுங்கள், நோய்வாய்ப்பட்டவர்களை ஊக்குவியுங்கள், தனிமையில் இருப்பவர்களுக்குஆறுதல் அளியுங்கள், சோர்வடைந்தவர்களை உற்சாகப்படுத்துங்கள்.  அர்த்தமுள்ள வாழ்க்கை சாதனைகளால் அளவிடப்படுவதில்லை, கடவுளுடன் நெருங்கிநடந்து மற்றவர்களை நேசிப்பதன் மூலமே அளவிடப்படுகிறது.

 

ஜெபம்:-   கர்த்தராகிய இயேசுவே, அவசரப்படாமல் உம்முடன் நடக்க எனக்குக் கற்றுக் கொடுங்கள்.  அவசரப்பட்டு உம் நோக்கத்தைத் தவறவிடாமல் இருக்கஎனக்கு உதவுங்கள்.  வார்த்தையைக் கேட்கவும் , கீழ்படியவும், அன்புடன் மற்றவர்களுக்கு சேவை செய்யவும் கிருபை தாரும். ஆமென்!!

 

---